Cyrsiau Arwain a Rheoli gyda CITB

Ar y dudalen hon:

• Pam ei wneud?
• Dewis yr opsiwn cywir o hyfforddiant ar gyfer eich tîm
• Cyrsiau byr
• Cymhwyster llawn 
• Hyfforddiant pwrpasol

Pam ei wneud?

Mae arweinyddiaeth yn chwarae rhan hanfodol ar unrhyw safle adeiladu. Mae’r gallu i ysgogi, ysbrydoli ac arwain tîm, wrth ddelio â sefyllfaoedd a all fod yn heriol neu sy’n newid, yn gofyn am arweinwyr a rheolwyr medrus.

Mae diwydiant wedi nodi’r angen i ddarparu mwy o gymorth a hyfforddiant mewn Arweinyddiaeth a Rheolaeth, er mwyn sicrhau bod y sgiliau hynny yn eu lle.

Mae cyflogwyr sy’n rhoi’r sgiliau a’r wybodaeth angenrheidiol i’w gweithwyr i arwain eu timau’n effeithiol, wedi gweld:

• Bod hyfforddiant arweinyddiaeth a rheolaeth yn cyfrannu at amgylchedd gwaith diogel i’r holl staff
• Gwelliant yn eu cadwraeth o weithwyr, trwy gefnogi eu huchelgeisiau gyrfa hirdymor a datblygiad proffesiynol parhaus.

Dewis yr opsiwn cywir o hyfforddiant ar gyfer eich tîm

Mae CITB yn cynnig tri llwybr hyfforddiant sy’n cwmpasu arweinyddiaeth a rheolaeth, gan ddarparu atebion sy’n gweddu i ofynion dysgu unigol ac anghenion cwmni.

Cyrsiau byr

Y Manteision

Mae'r fframwaith hwn yn helpu pob cyflogwr sydd wedi'i gofrestru gan CITB i gael mynediad at hyfforddiant mewn Arweinyddiaeth a Rheolaeth safonol a throsglwyddadwy trwy gyfres o gyrsiau byr. Sy’n golygu:

• Gall cyflogwyr ddewis o ystod o gyrsiau byr sy'n cefnogi datblygiad sgiliau eu rheolwyr a'u goruchwylwyr eu hunain
• Nid oes unrhyw aseiniadau hir fel rhan o'r hyfforddiant, sy'n lleihau'r amser y mae'n ei gymryd i gwblhau'r hyfforddiant
• Mae cyflogwyr yn gallu cael mynediad at gymorth grant cwrs byr ar gyfer hyfforddiant Arweinyddiaeth a Rheolaeth
• Mae yna hyblygrwydd o ran cyflwyno – gall cyflogwyr ddod o hyd i ddarparwyr hyfforddiant sy'n cynnig y cyrsiau yn bersonol neu o bell
• Mae'r safonau newydd yn ganllaw i gyflogwyr nad ydynt yn siŵr pa hyfforddiant fyddai'n ddefnyddiol i oruchwyliwr
• Gellir defnyddio'r cyrsiau fel datblygiad personol ar gyfer rhywun nad yw'n barod i symud i rôl oruchwyliol ond sy'n rhan o'u huchelgeisiau gyrfa hirdymor.

Dod o hyd i ddarparwyr hyfforddiant cymeradwy

Dim ond trwy Sefydliadau Hyfforddi Cymeradwy (ATOs) CITB y mae cyrsiau byr Arweinyddiaeth a Rheolaeth ar gael. Gellir cwblhau'r hyfforddiant yn bersonol neu o bell. Mae hyn yn golygu y gall unrhyw gyflogwyr a gweithwyr sy'n ceisio lleihau amser teithio ddewis cymryd rhan yn yr hyfforddiant mewn lleoliad sy'n gyfleus iddynt, gyda mynediad i sesiwn ddysgu fyw gyda thiwtor ar-lein.

I gael rhagor o fanylion am y cyrsiau a'r ATOs sy'n cynnig yr hyfforddiant hwn, llenwch y ffurflen fer ar-lein a bydd eich cynghorydd ymgysylltu CITB lleol mewn cysylltiad.

Am ragor o wybodaeth – ffurflen ar-lein

Os hoffech ddefnyddio darparwr hyfforddiant nad yw ar hyn o bryd yn Sefydliad Hyfforddi Cymeradwy (ATO), gall CITB eu helpu i ddod yn un –Sut i ddod yn ATO

Ariannu

Gall cyflogwyr cofrestredig CITB dderbyn rhwng £140 a £240 am bob modiwl, diolch i’n grant cwrs byr.

Gwneud cais am grant cwrs byr

Cymhwyster llawn

Wedi uwchsgilio ac yn Gymwysedig am £154 yn unig

Rhaid i hyfforddeion sy’n manteisio ar y cynnig hwn fod â chontract cyflogaeth uniongyrchol amser llawn (PAYE) gyda chyflogwr sydd wedi’i gofrestru â CITB neu fod yn is-gontractiwr CIS i’r cyflogwr. Mae cyllid CITB ar gyfer yr hyfforddiant hwn yn agored i bob cyflogwr cofrestredig CITB nad oes ganddynt unrhyw gyflwyniadau lefi heb eu talu.

Nid oes cyllid ar gael ar gyfer llafur wedi’i is-gontractio na’r unigolion hynny sy’n hunangyflogedig.

Heb gyllid gan CITB byddai’r cwrs hwn fel arfer yn costio hyd at £2000. Fodd bynnag, dim ond ffi gofrestru o £154 y gofynnir i’ch cyflogwr ei thalu, bydd gweddill yr hyfforddiant am ddim*.

*Mae 10,500 o leoedd yn cael eu hariannu’n llawn gan CITB.

Cymhwyster ILM – gan City & Guilds

Mae CITB yn buddsoddi £10.5 miliwn i gynnig cyrsiau hyfforddi a chymwysterau mewn Arweinyddiaeth a Rheolaeth sy'n benodol i'r diwydiant adeiladu wedi'u hariannu'n llawn ledled y DU, fel rhan o'r anghenion cymorth a nodwyd gan y diwydiant.

Bydd y comisiwn, a sefydlwyd ac a ddyfarnwyd ym mis Rhagfyr 2022, yn rhedeg tan 31 Mawrth 2026, gan ddarparu 10,500 o gyrsiau arwain a rheoli ILM i reolwyr rheng flaen, goruchwylwyr safle a rheolwyr safle yng Nghymru, Lloegr a’r Alban. Mae ffi o £154 yn unig i gofrestru gyda’r corff dyfarnu.

Wedi’i gynnwys:

• Pecyn wedi’i ddiffinio ymlaen llaw o 5 modiwl sy’n cwmpasu’r dysgu craidd i fod yn arweinydd gwych
• Canlyniadau mesuradwy: mae asesiad yn y gweithle yn sicrhau bod sgiliau newydd yn cael eu trosglwyddo'n effeithiol i'ch busnes
• Mae’r 10,500 o leoedd wedi’u dyrannu ar draws y wlad gyfan
• Cymhwyster cydnabyddedig sy’n drosglwyddadwy
• Gellir defnyddio'r cyrsiau fel datblygiad personol ar gyfer rhywun nad yw'n barod i symud i rôl oruchwyliol ond sy'n rhan o'u huchelgeisiau gyrfa hirdymor
• Ymarferiad Arweinyddiaeth a Rheolaeth lefel 3 ILM ar gyfer y Cymhwyster Sector Adeiladu a'r Amgylchedd Adeiledig
• Gellir defnyddio'r cymhwyster i wneud cais am Gerdyn CSCS Gwyn (academaidd).

Darparwyr Hyfforddiant Dethol CITB

Mae'r lleoedd cymhwyster a ariennir yn llawn yn cael eu darparu gan y partneriaid hyfforddi canlynol:

Opsiynau Hyfforddiant Pwrpasol

Yn ogystal â'r cyrsiau byr sydd ar gael trwy ATOs a'r Cynllun Grantiau a'r cyllid cymhwyster llawn, mae opsiynau ariannu eraill ar gael i'r rhai sydd am gynnig hyfforddiant arweinyddiaeth mwy pwrpasol.

Os ydych chi'n gyflogwr mawr (dros 250 o weithwyr uniongyrchol) sy'n edrych i ddarparu hyfforddiant arweinyddiaeth a rheolaeth pwrpasol ar gyfer eich tîm, gallwch wneud cais i'n Cronfa Arweinyddiaeth a Rheolaeth.

Os oes gennych fusnes llai gyda llai na 250 o weithwyr uniongyrchol, gallwch wneud cais am hyfforddiant Arwain a Rheoli trwy ein Cronfa Sgiliau a Hyfforddiant.