Polisi Preifatrwydd

Ni yw Bwrdd Hyfforddi'r Diwydiant Adeiladu (CITB), elusen wedi'i chofrestru yng Nghymru a Lloegr (rhif 264289) ac yn yr Alban (rhif SC044875).

Mae’n ofynnol i CITB brosesu data bersonol ac mae’n rheolydd data at ddibenion deddfwriaeth diogelu data gan gynnwys Deddf Diogelu Data’r DU 2018, GDPR y DU a’r Rheoliad Diogelu Data Cyffredinol (UE 2016/679). Mae CITB wedi’i gofrestru fel rheolydd data gyda Swyddfa’r Comisiynydd Gwybodaeth (rhif Z7125297).

Os oes gennych unrhyw sylwadau neu bryderon ynghylch agwedd ar y polisi hwn neu unrhyw broblem ynghylch preifatrwydd neu ddiogelu data, anfonwch neges e-bost at ein Tîm Llywodraethu Gwybodaeth yn information.governance@citb.co.uk neu ysgrifennwch at:

Tîm Llywodraethu Gwybodaeth
CITB
Sand Martin House
Bittern Way
Peterborough
Cambs
PE2 8TY

Gellir cysylltu â’n Swyddog Diogelu Data yn information.governance@citb.co.uk neu drwy ysgrifennu i’r cyfeiriad uchod.

Yr amod “Budd Cyhoeddus” yw’r brif sail gyfreithiol y mae CITB yn dibynnu arni ar gyfer prosesu data bersonol. Caiff eich gwybodaeth ei chasglu neu ei darparu i CITB er mwyn galluogi’r swyddogaethau (a’r dibenion sy’n gysylltiedig â’r swyddogaethau hynny) fel y’u nodir yn Neddf Hyfforddiant Diwydiannol 1982.

Fodd bynnag, nid yw budd y cyhoedd yn sail ddigonol i brosesu data bersonol sensitif neu “gategori arbennig”. Fel arfer bydd angen caniatâd penodol ar CITB i brosesu’r categori hwn o wybodaeth, ac eithrio lle mae CITB yn gweithredu o dan hawl neu rwymedigaeth statudol (er enghraifft mewn mater sy’n ymwneud â diogelu) neu os oes rhesymau brys penodol yn bodoli (er enghraifft atal neu ganfod trosedd).

Byddwn yn cadarnhau ar ba sail gyfreithiol y caiff eich data personol ei brosesu ar adeg ei gasglu.

Mae'r 8 egwyddor hyn yn crynhoi ein hymrwymiad i ddiogelu'ch preifatrwydd:

• Rydym ond yn casglu ac yn defnyddio’r data personol sydd ei angen arnom i ddarparu neu wella ein cynnyrch a’n gwasanaethau.
• Mae gennych hawl i gael mynediad at y data personol sydd gennym amdanoch
• Byddwn yn cadw eich data personol yn ddiogel
• Rydym yn deg ac yn agored ynglŷn â sut rydym yn defnyddio’ch data personol
• Ni fyddwn byth yn gwerthu’ch data personol nac yn ei rannu ac eithrio yn y ffyrdd a grybwyllir yn y polisi hwn neu oni bai eich bod yn gofyn i ni
• Byddwn ni'n rhoi gwybod ichi os oes newidiadau pwysig sy'n effeithio ar eich gwybodaeth neu sut rydym yn ei defnyddio
• Rydym yn cymryd cyfrifoldeb am y wybodaeth sydd gennym amdanoch chi
• Dim ond cyhyd ag y bo angen y byddwn ni'n cadw'ch gwybodaeth.

Pan fyddwn yn adolygu ein polisi preifatrwydd byddwn yn nodi'r dyddiad y cafodd ei ddiweddaru diwethaf.

Cafodd y polisi preifatrwydd hwn ei adolygu a’i ddiweddaru diwethaf ym mis Mehefin 2024.

Rydych chi'n rhoi gwybodaeth inni pan ddefnyddiwch ein gwefannau, ein cynhyrchion a'n gwasanaethau, gan gynnwys pan fyddwch chi'n: 

• Cyflwyno un o'n ffurflenni
• Gohebu â ni dros y ffôn, trwy e-bost neu fel arall
• Cofrestru â ni
• Tanysgrifio i'n gwasanaethau
• Chwilio am gynnyrch
• Cymryd rhan yn ein byrddau trafod, sgwrsio neu gyfryngau cymdeithasol
• Cymryd rhan mewn cystadleuaeth neu hyrwyddiad
• Ymateb i arolwg.
• Prynu cynnyrch neu wasanaeth.

Efallai y byddwn ni hefyd yn cael gwybodaeth gan ffynonellau eraill, gan gynnwys:

• Trydydd partïon, megis sefydliadau hyfforddi, partneriaid marchnata, rhwydweithiau hysbysebu, a ffynhonellau sydd ar gael i’r cyhoedd
• Y gwefannau a gwasanaethau hynny rydym yn eu helpu i weithredu neu'n cyfrannu atynt 
• Gwefannau a ddefnyddir ar gyfer hysbysebu cynhyrchion a gwasanaethau
• Teledu cylch cyfyng (CCTV) (darllenwch yr adran CCTV isod am fanylion llawn).

Gallai'r wybodaeth a gasglwn ni gennych gynnwys eich:

• Enw, cyfeiriad e-bost a rhif ffôn
• Dyddiad Geni
• Rhif Yswiriant Gwladol
• Gwybodaeth ariannol a gwybodaeth ynghylch cardiau credyd
• Disgrifiad personol
• Ffotograff
• Statws teuluol
• Ffordd o fyw
• Amgylchiadau cymdeithasol
• Cyfeiriad IP
• Lleoliad daearyddol
• Math o borwr
• Math o ddyfais
• System weithredu
• Data pori, fel amseroedd mynediad, ymweld a gadael y dudalen
• Hanes llywio
• Dewisiadau
• Pryniannau a wnaed
• Dolen(ni) cyfryngau cymdeithasol
• Cynnwys a gynhyrchir gan ddefnyddwyr fel sylwadau a gyflwynwch ar ein gwefan a sianeli cymdeithasol. Negeseuon a anfonir trwy ein gwefan, apiau neu sianeli eraill
• Adborth, awgrymiadau, neu ymatebion arolwg a ddarperir gennych chi.

Efallai y bydd gennym wybodaeth sensitif hefyd, gan gynnwys ynghylch eich:

• Iechyd corfforol
• Iechyd meddyliol
• Tarddiad hiliol neu ethnig
• Credau crefyddol neu eraill
• Aelodaeth Undeb Llafur
• Data genetig
• Data biometrig.

Sylwch, er ei bod yn bosibl na fydd rhywfaint o’r data a gesglir yn eich adnabod yn bersonol ar ei ben ei hun, efallai y caiff ei gyfuno â gwybodaeth arall i’ch adnabod yn bersonol neu i greu proffil amdanoch.

Rydym yn defnyddio eich data personol at wahanol ddibenion, yn dibynnu ar ein perthynas â chi a’r wybodaeth a gasglwn, a all gynnwys:

• Cyflawni ein rolau, ein dyletswyddau a swyddogaethau statudol fel bwrdd hyfforddi diwydiannol
• Gweinyddu ein cofnodion a chyfrifon aelodaeth, gan gynnwys codi ardoll
• Codi arian a hyrwyddo ein buddiannau
• Rheoli ein cyflogeion a gwirfoddolwyr
• Darparu gwasanaethau addysg, hyfforddiant, ymwybyddiaeth yrfaol a chyngor i'n buddiolwyr
• Hysbysebu, hyrwyddo a marchnata ein gwasanaethau
• Ymgymryd ag ymchwil
• Gweinyddu cynlluniau ardystio, cymhwyso a cherdyn
• Cyflawni ein dyletswyddau fel rheolwr data cofrestredig ac awdurdod cyhoeddus
• Cadarnhau hunaniaeth ac atal troseddu
• Cynnal ein rhwymedigaethau diogelu ar gyfer dysgwyr, gweithwyr ac ymwelwyr
• Eich hysbys am newid i'n gwasanaeth
• Cynnal ein rhwymedigaethau contractiol
• Darparu a gwella ein gwasanaethau
• Dadansoddi'ch ymddygiad ar wefannau
• Gwella gweithrediad, diogelwch a chyflwyniad ein gwefannau
• Targedu ein hysbysebion ar-lein i'ch diddordebau a dewisiadau
• Mesur a deall effeithiolrwydd ein cynnwys a marchnata ar-lein
• Eich galluogi i gymryd rhan mewn nodweddion rhyngweithiol ar ein gwefan.

Sut rydym yn ei chadw'n ddiogel

Rydym yn cymryd diogelwch eich data bersonol yn ddifrifol iawn. 

Rydym yn defnyddio mesurau technegol, megis amgryptio, ac rydym yn cynnal adolygiadau diogelwch rheolaidd i gadw ein diogelwch yn gyfredol. Rydym hefyd yn rheoli mynediad yn llym ac yn sicrhau bod staff sydd â hawl i gael mynediad wedi'u hyfforddi'n ddigonol i gadw'ch gwybodaeth yn ddiogel. 

Mae ein gweithdrefnau'n golygu y gallwn ni ofyn ichi brofi'ch hunaniaeth cyn i ni rannu'ch data bersonol gyda chi.

Bydd gan wefannau trydydd parti y byddwch yn eu cyrchu trwy ddolenni ar ein gwefannau eu polisïau preifatrwydd eu hunain. Nid ydym yn derbyn unrhyw gyfrifoldeb nag atebolrwydd amdanynt.

Nid ydym yn rhannu'ch gwybodaeth gydag eraill oni bai eich bod wedi cydsynio neu fod angen gwneud hynny oherwydd:

• Ein rôl a dyletswyddau statudol fel bwrdd hyfforddi diwydiannol
• Mae'r gyfraith yn ei wneud yn ofynnol i ni
• Mae’n angenrheidiol i’n galluogi i gyflawni tasg er budd y cyhoedd neu fel rhan o’n gofynion gweinyddol neu weithredol.

Pan fydd rhaid i ni rannu gwybodaeth, mae'n debygol y bydd ag/â:

• Ein darparwyr gwasanaeth neu asiantau
• Ein partneriaid
• Cyrff diwydiant
• Eich cyflogwr neu ddarpar gyflogwyr
• Defnyddwyr ein cynlluniau cerdyn a chofrestrau hyfforddi
• Darparwyr hyfforddiant
• Cyrff cyllido
• Asiantaethau gorfodi'r gyfraith.
• Gweithwyr proffesiynol meddygol.

Rhannu'ch cyflawniadau

Efallai y byddwn ni am rannu'ch cyflawniadau achrededig gan CITB â phapurau newydd, gwefannau a chyfryngau eraill. Cysylltwch â ni ar unsubscribe@citb.co.uk os byddai'n well gennych inni beidio â gwneud hynny.

Mae’n bosibl y byddwn yn defnyddio Proseswyr Data, gan gynnwys y rhai sydd wedi’u lleoli y tu allan i’r Deyrnas Unedig a’r Ardal Economaidd Ewropeaidd (AEE). Pan fydd hyn yn digwydd rydym yn sicrhau bod trosglwyddo a storio eich gwybodaeth yn cael ei ddiogelu’n briodol ac yn dal i gydymffurfio â chyfreithiau’r DU a/neu’r AEE fel y bo’n berthnasol a’r Polisi Preifatrwydd hwn.

Ffeiliau bach yw cwcis sy’n cael eu gosod ar eich dyfais gan y gwefannau rydych yn ymweld â nhw neu e-byst penodol rydych yn eu hagor. Maent yn helpu gwefannau i fod yn fwy hygyrch a gweithio’n iawn, yn ogystal â rhoi gwybodaeth farchnata a busnes a helpu CITB i deilwra’ch profiad o ddefnyddio ei wefannau.

Gallwch reoli cwcis drwy fynd i osodiadau'ch porwr. I gael gwybod sut mae CITB yn defnyddio cwcis a sut i'w rheoli, gweler Polisi Cwcis CITB.

Efallai y byddwn yn recordio galwadau ffôn a wnawn neu a dderbyniwn ar gyfer hyfforddiant, sicrwydd ansawdd ac i'n helpu i ddelio ag ymholiadau; er enghraifft, lle gallai fod angen i ni gadarnhau manylion sgwrs flaenorol.

Yr hyn a wnawn

Rydym yn nodi galwadau a recordiwyd gan ddefnyddio'r rhif ffôn gwreiddiol ac amser a dyddiad yr alwad.

Gall recordiad gynnwys eich data bersonol yn ymwneud â'r cynhyrchion a'r gwasanaethau a gynigiwn.

Efallai y byddwn ni’n gofyn i chi am wybodaeth bersonol dros y ffôn i gadarnhau pwy ydych, yn dibynnu ar natur eich ymholiad i atal twyll a diogelu eich data.

Rydym yn defnyddio swyddogaeth 'saib ac ailddechrau' fel nad ydym yn recordio unrhyw ran o'ch galwad sy'n cynnwys manylion talu.  

Pwy sydd â mynediad at eich gwybodaeth

Rydym yn cadw galwadau a recordiwyd yn ddiogel, a dim ond staff CITB penodol, neu staff penodol proseswyr wedi’u penodi gan CITB, sydd wedi'u hawdurdodi i'w hadolygu.

Rydym yn contractio cwmni i gynnal recordio galwadau a swyddogaeth 'saib ac ailddechrau'. Mae'r cwmni wedi'i awdurdodi i gyrchu galwadau a recordiwyd dim ond ar gyfer dibenion diagnosio diffygion, profi a gweinyddu.

Am faint o amser rydym yn ei chadw

Rydym yn dileu galwadau a recordiwyd ar ôl 18 mis, oni bai eu bod yn rhan o ymchwiliad gweithredol.

Mae sawl ffordd y gallwch gyfathrebu â ni ar-lein, gan gynnwys:

• Sgwrsio a negeseua gwib (fel Skype ar gyfer Busnes a Microsoft Teams)
• E-bost
• Cyfryngau cymdeithasol (fel Facebook, Instagram, Tik Tok, Yammer neu X)
• Fideo-gynadledda (fel GoToMeeting, Zoom a Microsoft Teams)
• Platfformau rhannu ffeiliau (fel OneDrive a SharePoint)

Yr hyn a wnawn, sut rydyn ni’n ei ddefnyddio a pha mor hir rydyn ni’n ei gadw

Pan fyddwch yn defnyddio e-bost, sgwrsio, cyfryngau cymdeithasol a phlatfformau ar-lein eraill, mae'n debygol eich bod chi'n gwybod pa wybodaeth rydych chi'n ei rhannu gyda ni.

Mae'r modd rydym yn defnyddio a phrosesu'ch gwybodaeth, pwy sy'n ei chyrchu, a pha mor hir rydym yn ei chadw, yn dibynnu ar y cyd-destun y gwnaethom ei chasglu, ond mae'n dilyn telerau ein polisi preifatrwydd a chyfraith y DU.

Mae delweddau gan deledu cylch cyfyng (CCTV) o unigolyn y gellir ei adnabod yn cael eu trin fel data personol yn ôl cyfraith ddiogelu data.

Sut rydym yn defnyddio CCTV

Rydym yn defnyddio CCTV i:

• Gynnal diogelwch a diogeledd ein heiddo, safleoedd, ein gweithwyr, ymwelwyr i’n heiddo, myfyrwyr ac aelodau’r cyhoedd
• Atal ac ymchwilio i droseddau
• Cynorthwyo gweithdrefnau disgyblu mewn achosion o gamymddygiad difrifol
• Cynorthwyo gydag ymholiadau gan gynnwys ymholiadau’r heddlu.

Ble rydym yn defnyddio CCTV

Mae CCTV yn cael ei ddefnyddio yn lleoliadau ein swyddfeydd, sef;

• Bircham Newton - Kings Lynn Norfolk PE31 6RH
• Glasgow - 4 Fountain Avenue, Inchinnan, Renfrewshire, PA4 9RQ
• Erith – Manor Rd, Erith, DA8 2AD.

Mae gan CITB swyddfeydd mewn dau leoliad ychwanegol lle mae teledu cylch cyfyng yn gweithredu ond nid o fewn y gofod a ddefnyddir gan CITB fel a ganlyn:

• Peterborough – Sand Martin House, Bittern Way, Fletton Quays, Peterborough, PE2 8TY. Mae Cyngor Dinas Peterborough yn gweithredu teledu cylch cyfyng yn yr eiddo, ond nid oes unrhyw gamerâu yn y gofod y mae CITB yn ei ddefnyddio
• Llundain – Yr Adran Addysg, GPA yn gweithredu teledu cylch cyfyng yn y safle Sanctuary Buildings, 20 Great Smith St, Llundain SW1P 3BT. Mae GPA yn gweithredu TCC yn yr eiddo, ond nid oes unrhyw gamerâu yn y gofod y mae CITB yn ei ddefnyddio.

Pwy sydd â mynediad at eich gwybodaeth

Gweithredir systemau teledu cylch cyfyng yn annibynnol ym mhob lleoliad. Am ragor o wybodaeth cysylltwch â information.governance@citb.co.uk

Lle bo angen, efallai y byddwn ni'n rhannu gwybodaeth delwedd CCTV â/ag:

• Yr unigolyn yn y ddelwedd
• Cyflogeion ac asiantau
• Darparwyr gwasanaethau
• Heddluoedd
• Sefydliadau diogelwch
• Unigolion sy'n gwneud ymholiad.

Am faint o amser rydym yn ei chadw

Oni bai fod arnom eu hangen ar gyfer ymchwiliad gweithredol, rydym yn cadw delweddau sydd wedi'u recordio am 30 diwrnod. Wedi hynny, mae'r delweddau'n cael eu trosysgrifio'n awtomatig gan yr offer recordio. Bydd delweddau a recordiwyd mewn lleoliadau a reolir gan drydydd partïon yn cael eu cadw yn unol â pholisïau cadw’r trydydd partïon hynny.

Rydym yn dinistrio recordiadau sy'n rhan o ymchwiliad gweithredol cyn gynted ag nad oes eu hangen mwyach.

Eich hawliau

Gallwch ofyn am gopi o'ch data personol a gofnodwyd gan TCC. Mewn rhai amgylchiadau, efallai na fydd yn bosibl i ni ei ddarparu, oherwydd y potensial ar gyfer trydydd partïon i’w cynnwys mewn recordiadau, neu oherwydd deddfwriaeth berthnasol arall. Bydd eich cais yn cael ei ystyried yn yr un modd â phob cais arall am hawliau gwrthrych data.

Rydym yn defnyddio'ch manylion talu i brosesu archebion, casglu taliadau lefi a dosbarthu arian, megis grantiau hyfforddi.

Sut rydym yn defnyddio'ch gwybodaeth

Nid ydym yn defnyddio'ch gwybodaeth at unrhyw ddiben nad ydych wedi'i awdurdodi, nac yn ei ddatgelu i drydydd parti heb eich caniatâd. Rydym yn prosesu trafodion cerdyn credyd a debyd gan ddilyn Safon Diogelwch Data Cerdyn Talu'r Diwydiant (PCI DSS ).

Pwy sydd â mynediad at eich gwybodaeth

Mae gan staff CITB a phroseswyr data dan gontract fynediad at eich manylion talu i gynnal eich trafodiad. 

Yr hyn a wnawn

Ar gyfer trafodion cyfrif banc a chymdeithas adeiladu, efallai y byddwn ni'n gwneud cofnod o'ch:

• Enw
• Cyfeiriad cangen
• Cod didoli
• Rhif cyfrif
• Cod Iban/Swift
• Llofnod.

Lle bo modd, byddwn ni ond yn storio cod dilysu trafodion cerdyn a data arall sydd ei angen i ni brosesu'r taliad unwaith y bydd y trafodiad wedi'i gwblhau. Lle nad yw hyn yn ymarferol, rydym yn defnyddio dulliau diogelwch eraill i gadw'ch data yn ddiogel. Gallem brosesu data megis:

• Enw deiliad y cerdyn
• Rhif y cerdyn
• Cod diogelwch y cerdyn (CSC)
• Dyddiadau dilysrwydd a dod i ben
• Rhif cyhoeddi.

Am faint o amser rydym yn ei chadw

Rydym yn cadw eich manylion banc neu gymdeithas adeiladu cyhyd ag y bo angen, yn dibynnu ar y trafodiad. Rydym yn eu dileu pan nad oes eu hangen mwyach. Nid ydym yn cadw gwybodaeth cerdyn talu.

Er nad yw ein gwefannau, gwasanaethau a chynhyrchion wedi’u hanelu at blant o dan 16 oed, efallai y byddwn yn casglu data bersonol plant yn achlysurol iawn. Os byddwn yn casglu data bersonol am blant o dan 16 oed, byddwn yn gwneud hynny yn unol â’r gyfraith berthnasol ac arfer gorau, a gallant arfer unrhyw un o'r hawliau a nodir isod. 

Mae gennych yr hawl i:

• Gofyn am fynediad i unrhyw ddata personol sydd gennym amdanoch
• Tynnu'n ôl unrhyw ganiatadau a roddwyd gennych
• Cyflwyno cwyn i ni neu Swyddfa'r Comisiynydd Gwybodaeth  neu i unrhyw awdurdod goruchwylio perthnasol arall ynglŷn â sut rydym yn trin eich data personol
• Gofyn i ni gywiro unrhyw wybodaeth anghywir neu anghyflawn sydd gennym amdanoch chi
• Gofyn i ni ddileu eich data personol o’n cofnodion
• Gofyn i ni anfon copi o'ch gwybodaeth i drydydd parti mewn fformat data cludadwy.
• Herio unrhyw benderfyniadau awtomataidd (fel sy'n berthnasol).

Byddwn yn delio â’ch cais yn unol â’r Ddeddfwriaeth Diogelu Data berthnasol.

Gallwch newid eich dewisiadau cysylltu neu dynnu'ch caniatâd yn ôl ar unrhyw adeg trwy ysgrifennu atom yn information.governance@citb.co.uk or:

Tîm Llywodraethu Gwybodaeth
CITB
Sand Martin House
Bittern Way
Peterborough
PE2 8TY

Dewisiadau marchnata e-bost

Gallwch ddewis diweddaru eich prif fanylion cyswllt a'ch dewisiadau marchnata trwy ‘Cadw ar y blaen â CITB - CITB’.

Mae CITB yn gweithredu dull tanysgrifio optio i mewn ar gyfer cyfathrebiadau marchnata e-bost; gallwch chi ddiweddaru neu ddad-danysgrifio o'ch sianeli tanysgrifio wrth gofrestru i’r Cylchlythyr.

Sylwch y bydd hyn yn berthnasol i gyfathrebiadau sy’n ymwneud â marchnata ac nid unrhyw gyfathrebiadau sy’n gysylltiedig â rhwymedigaethau statudol CITB.

I weld y wybodaeth sydd gennym amdanoch chi, dylech wneud Cais Mynediad Pwnc yn ysgrifenedig, gan gynnwys eich:

• Enw llawn, gan gynnwys enwau blaenorol neu enwau eraill
• Cyfeiriad
• Ffôn
• Rhif cofrestr unigryw neu rifau adnabod CITB
• Dyddiad geni, os nad oes gennych rif cofrestru unigryw.

A chysylltwch â’r tîm llywodraethu gwybodaeth yn:

Tîm Llywodraethu Gwybodaeth
CITB
Sand Martin House
Bittern Way
Peterborough
PE2 8TY

E-bost: information.governance@citb.co.uk

Rydym yn rheoli system archebu ar gyfer cyrsiau hyfforddi adeiladu. 

Sut rydym yn defnyddio'ch gwybodaeth 

Rydym yn defnyddio'ch gwybodaeth i ddod o hyd i'r cwrs, lleoliad ac, os yw'n briodol, llety cywir, i gyflwyno'r cwrs, ac i brosesu'ch archeb. 

Pwy sydd â mynediad at eich gwybodaeth

Mae gan gyflogeion CITB sy'n gweithredu system archebu'r cwrs neu sy'n darparu hyfforddiant fynediad.

Yr hyn a wnawn

Rydym yn defnyddio eich gwybodaeth i reoli eich archeb gan gynnwys, ond heb fod yn gyfyngedig i, i brosesu:

• Manylion cyswllt i weinyddu'r cwrs
• Gwybodaeth adnabod i atal twyll
• Data proffil fel y gwyddom eich dewisiadau cysylltu ac ati.

Am faint o amser rydym yn ei chadw

Rydym yn cadw'ch gwybodaeth broffil am ddim mwy na 6 blynedd o'r dyddiad y gwnaethoch chi drefnu'ch archeb ddiwethaf, ac rydym yn dileu gwybodaeth am y cyrsiau a fynychwyd gennych ar ôl 6 blynedd.

Rydym yn dileu gwybodaeth archebu llety 12 mis ar ôl eich dyddiad ymadael.

Rydym yn rheoli nifer o gynlluniau cerdyn, sy'n helpu i sicrhau diogelwch a hyfedredd gweithlu adeiladu'r DU. Trwyddynt, mae'n bosibl gwirio hunaniaeth a chyflawniadau neu gymwysterau rhywun.

Sut rydym yn defnyddio'ch gwybodaeth

Rydym yn cofnodi cyflawniadau achrededig a gewch chi mewn cronfa ddata, y gall ein staff gael mynediad ati am y cynlluniau cerdyn. Gall unrhyw un a all ddarparu gwybodaeth chwilio penodol i ni amdanoch chi (megis eich Rhif ID Unigol neu Rif Cofrestru CITB, rhif Yswiriant Gwladol a manylion personol eraill), wirio'ch hunaniaeth a chyflawniadau achrededig CITB gan ddefnyddio:

• Ein Gwiriwr Cerdyn Ar-lein
• Rhyngwyneb Rhaglen Ymgeisio (API) a roddwn i gyflogwyr awdurdodedig a darparwyr cynlluniau cardiau â chymorth.

Mae chwiliad llwyddiannus yn dychwelyd y wybodaeth ddilynol amdanoch chi:

• Rhif cofrestru CITB
• Cyfenw a'r flaenlythyren gyntaf
• Llun
• Aelodaethau (gan gynnwys cynlluniau cerdyn)
• Pasiau prawf iechyd a diogelwch
• Cyrsiau.

Pwy sydd â mynediad at eich gwybodaeth

Mae gan unrhyw un sydd â'r wybodaeth chwilio gywir amdanoch chi fynediad. Fel arfer hyn yw:

• Ein staff sy'n prosesu'ch gwybodaeth i redeg y cynlluniau cerdyn
• Trydydd partïon dan gontract
• Sefydliadau rydym yn rhedeg cynlluniau cerdyn ar eu rhan
• Gweinyddwyr safleoedd adeiladu
• Cyflogwyr
• Eich teulu neu ffrindiau.

Yr hyn a wnawn

Rydym yn defnyddio eich gwybodaeth i gefnogi'r cynlluniau cerdyn gan gynnwys, ond heb fod yn gyfyngedig i, i brosesu:

• Manylion cysylltu i ofyn i chi gadarnhau ein cofnodion amdanoch chi
• Gwybodaeth adnabod i atal twyll
• Gwybodaeth am gyflawniad i wirio bod gennych yr wybodaeth a'r sgiliau angenrheidiol i weithio yn y diwydiant adeiladu
• Data proffil fel y gwyddom eich dewisiadau cysylltu ac ati.

Am faint o amser rydym yn ei chadw

Byddwn ni'n cadw'ch gwybodaeth am ddim mwy na 50 mlynedd o ddyddiad dod i ben eich cyflawniad diwethaf

Cronfa ddata ar-lein yw'r Gofrestr Hyfforddiant Adeiladu sy'n dangos pwy sydd wedi ennill cyflawniadau a chymwysterau hyfforddiant cysylltiedig â gwaith adeiladu cydnabyddedig. 

Gall cyflogwyr chwilio'r gofrestr i wirio sgiliau a rheoli eu hanghenion hyfforddi.

Sut rydym yn defnyddio'ch gwybodaeth 

Defnyddiwn eich gwybodaeth i gyflawni ein rôl statudol fel bwrdd hyfforddi diwydiannol. Mae hyn yn cynnwys cynnal cofnod o'ch cyflawniadau a'ch cymwysterau hyfforddi â Sefydliad Hyfforddi Cymeradwy (ATO). 

Pwy sydd â mynediad at eich gwybodaeth

Gall staff CITB, eich cyflogwr wrth archebu lle ichi ar gwrs hyfforddi, a'r ATO perthnasol gael mynediad i'ch cofnodion.

Gall unrhyw un sydd â'ch enw ac o leiaf un darn arall o data adnabod sy'n unigryw i chi, megis eich rhif Yswiriant Gwladol neu Ddynodwr Unigol CITB gael mynediad i'ch cofnodion.

Yr hyn a wnawn

Rydym yn prosesu eich gwybodaeth ar y Gofrestr Hyfforddiant Adeiladu a all gynnwys eich:

• Manylion cyswllt i ofyn i chi gadarnhau ein cofnodion amdanoch chi
• Gwybodaeth adnabod i atal twyll
• Gwybodaeth am gyflawniad i wirio bod gennych yr wybodaeth a'r sgiliau angenrheidiol i weithio yn y diwydiant adeiladu
• Data proffil fel y gwyddom eich dewisiadau cysylltu. 

Am faint o amser rydym yn ei chadw

Mae’n bosibl y byddwn yn cadw ac yn defnyddio eich data personol am gyhyd ag y bydd angen i ni, i gyflawni ein swyddogaethau statudol.

Rydym yn cadw cofnod o'ch cyflawniadau am hyd at 50 mlynedd, ac eithrio lle mae'r cyflawniad am oes. 

Rydym yn cynnig amrywiaeth o brentisiaethau adeiladu ledled Prydain Fawr.

Sut rydym yn defnyddio'ch gwybodaeth

Rydym yn defnyddio'r wybodaeth a roddwch i ni i ddeall eich nodau gyrfaol ac anghenion datblygu, fel y gallwn ni'ch rhoi â'r coleg a'r cyflogwr cywir.

Pwy sydd â mynediad at eich gwybodaeth

Dim ond yn unol â'r ddeddfwriaeth diogelu data berthnasol y caiff eich data ei rannu.

Yr hyn a wnawn

Rydym yn defnyddio eich gwybodaeth i reoli Prentisiaid CITB gan gynnwys defnyddio eich:

• Manylion cyswllt i ofyn i chi gadarnhau ein cofnodion amdanoch chi a phrosesu eich cais am brentisiaeth
• Gwybodaeth adnabod i atal twyll
• Gwybodaeth preswylio i gadarnhau cymhwysedd ar gyfer y rhaglen
• Cofnod dysgu blaenorol, hanes gwaith a phrofiad
• Gwybodaeth am gyflawniad i wirio bod gennych yr wybodaeth a'r sgiliau angenrheidiol i weithio yn y diwydiant adeiladu
• Data proffil fel y gwyddom eich dewisiadau cysylltu ac ati.

Am faint o amser rydym yn ei chadw

Efallai y byddwn ni'n cadw'ch data personol cyhyd â bod arnom ei angen i ni gyflawni ein swyddogaethau statudol.

Rydym yn cadw cofnodion cwrs prentisiaeth am o leiaf 6 blynedd. Gall darparwyr cyllid sy'n sybsideiddio prentisiaeth nodi bod angen iddynt gadw cofnodion am fwy o amser.

Mae rheoli digwyddiadau yn ymdrech gydgysylltiedig a arweinir gan CITB ar y cyd â'n partneriaid i sicrhau bod digwyddiadau hyfforddi a gwybodaeth sy'n ymwneud ag adeiladu yn cael eu gweithredu'n ddi-dor.

Sut rydym yn defnyddio eich gwybodaeth

Rydym yn trefnu ac yn rheoli digwyddiadau i gyflawni ein rôl statudol fel bwrdd hyfforddiant diwydiannol. Mae hyn yn cynnwys cydlynu â phartneriaid i gyflwyno sesiynau hyfforddi cynhwysfawr a sicrhau bod yr holl fanylion logistaidd yn cael eu rheoli'n effeithiol.

Pwy sydd â mynediad at eich gwybodaeth

Gall staff CITB, trefnwyr digwyddiadau, a sefydliadau partner sy'n ymwneud â'r digwyddiad gael mynediad at y wybodaeth angenrheidiol sy'n ymwneud â'r digwyddiad. Yn ogystal, efallai y bydd gan gyflogwyr cyfranogwyr fynediad wrth archebu neu gadarnhau presenoldeb.

Gall unrhyw un sy'n ymwneud â phrosesu trefniadaeth y digwyddiad gael mynediad i'ch cofnodion sy'n ymwneud â'r digwyddiad.

Yr hyn a wnawn

Rydym yn prosesu ac yn defnyddio eich gwybodaeth ar gyfer rheoli digwyddiadau, a all gynnwys eich:

• Manylion cyswllt i gyfleu gwybodaeth a diweddariadau cysylltiedig â digwyddiadau.
• Gwybodaeth adnabod i wirio presenoldeb a sicrhau diogelwch.
• Manylion cyfranogiad i gadarnhau eich cyfranogiad a darparu deunyddiau perthnasol.
• Data proffil i ddeall eich dewisiadau a theilwra'r profiad digwyddiad.
• Gofynion dietegol i ddarparu ar gyfer eich anghenion dietegol a sicrhau bod opsiynau bwyd addas yn cael eu darparu.

Pa mor hir rydyn ni'n ei gadw

Mae’n bosibl y bydd cofnodion sy’n ymwneud â’ch cyfranogiad mewn digwyddiadau yn cael eu cadw am gyfnod sy’n cyd-fynd â’n polisïau cadw data.

Rydym yn darparu nifer o wefannau e-fasnach i werthu ein cynnyrch ar-lein gan gynnwys:

• Siop CITB  a Hyfforddiant a chyrsiau CITB, sy'n eiddo i ni ac yn cael eu rheoli gennym ni ar y cyd â’n Darparwyr Trydydd Parti
• Marchnad CITB , a weithredir ar ein rhan gan Pearson VUE 
• eGyrsiau CITB, sy’n eiddo i ni ac yn cael eu rheoli gennym ni ar y cyd â’n Darparwyr Trydydd Parti

Sut rydym yn defnyddio'ch gwybodaeth

Defnyddiwn eich gwybodaeth i brosesu'ch archeb. Mae hyn yn cynnwys eich enw, eich manylion cyswllt a'ch taliad.

Pwy sydd â mynediad at eich gwybodaeth

Mae ein staff prosesu archebion yn derbyn manylion ynghylch yr holl archebion. Mae staff a systemau Pearson VUE yn defnyddio'ch data i brosesu'ch archeb. Efallai y byddwn ni'n trosglwyddo'ch manylion i ddarparwyr gwasanaeth trydydd parti eraill er enghraifft partner cyflawni.

Am faint o amser rydym yn ei chadw

Rydym yn cadw gwybodaeth archeb a gwybodaeth ariannol am hyd at 7 mlynedd.

Rydym yn darparu grantiau a chyllid arall i gefnogi cyflogwyr yn niwydiant adeiladu'r DU.

Sut rydym yn casglu'ch gwybodaeth

Gall sefydliadau ac unigolion gan gynnwys cyflogwyr, ffederasiynau, cymdeithasau masnach a grwpiau hyfforddi fynegi diddordeb neu wneud cais am grantiau a chyllid drwy'r ffurflen berthnasol ar ein gwefan neu borth. Rydym yn storio'r wybodaeth hon yn ddiogel.

Yr hyn a gasglwn ni

Mae'r wybodaeth a gasglwn yn dibynnu ar y math o gais am gyllid a gyflwynir, ond gallai gynnwys:

• Sefydliad
• Cymhwysedd am gyllid
• Manylion sylfaenol y cwmni
• Manylion Cyswllt
• Manylion partneriaeth
• Manylion y prosiect
• Darpariaethau a buddiolwyr
• Tystiolaeth o angen.

Pwy sydd â mynediad at eich gwybodaeth

Mae gan staff CITB a thrydydd partïon dan gontract fynediad at y wybodaeth.

Am faint o amser rydym yn ei chadw

Rydym yn cadw eich gwybodaeth am o leiaf 7 mlynedd, fel sy'n ofynnol gan ddeddfwriaeth gyfrifyddu, ac yn hirach os oes angen gan yr awdurdod cyllido.

Mae prawf Iechyd, diogelwch a'r amgylchedd CITB yn helpu i godi safonau ar draws y diwydiant. 

Sut rydym yn defnyddio'ch gwybodaeth

Rydym yn cofnodi'ch gwybodaeth adnabod, manylion cyswllt, a chanlyniadau HS&E mewn cronfa ddata y gall ein staff ei chyrchu er mwyn profi gweinyddu ac i ddilysu a ydych chi'n gymwys i dderbyn hyfforddiant neu ardystiad ychwanegol.  I gyflawni'r prawf, mae CITB yn defnyddio darparwyr prawf trydydd parti gan gynnwys Pearson VUE, a Chanolfannau Prawf Rhyngrwyd trydydd parti.  Efallai y bydd canlyniadau'ch prawf hefyd yn cael eu trosglwyddo i gynlluniau cerdyn cymhwysedd trydydd parti i ganiatáu iddynt brosesu eich cais am gerdyn.

Pwy sydd â mynediad at eich gwybodaeth

• Ein staff sy'n prosesu'ch gwybodaeth
• Trydydd partïon dan gontract
• Staff Pearson VUE sy'n cyflwyno ac yn goruchwylio'r prawf
• Y Ganolfan Brawf Rhyngrwyd lle gwnaethoch sefyll eich prawf
• Darparwyr cynlluniau cerdyn cymhwysedd
• Efallai y bydd eich cyflawniadau hefyd ar gael trwy Ein Gwiriwr Cerdyn Ar-lein neu'r Gofrestr Hyfforddiant Adeiladu

Yr hyn a wnawn

Rydym yn defnyddio'ch:

• Manylion cysylltu i ofyn i chi gadarnhau ein cofnodion amdanoch chi
• Gwybodaeth adnabod i atal twyll
• Gwybodaeth am gyflawniad i wirio bod gennych yr wybodaeth a'r sgiliau angenrheidiol i weithio yn y diwydiant adeiladu
• Data proffil fel y gwyddom eich dewisiadau cysylltu ac ati.

Am faint o amser rydym yn ei chadw

Byddwn ni'n cadw'ch gwybodaeth am ddim mwy na 50 mlynedd o ddyddiad dod i ben eich cyflawniad diwethaf.

Rydym yn cynnal a chomisiynu ymchwil a dadansoddiad o'r sector diwydiant adeiladu i'w helpu i wella a llwyddo, fel yr awdurdodwyd gan Ddeddf Hyfforddiant Diwydiannol 1982.

Sut rydym yn defnyddio'ch gwybodaeth

Efallai y byddwn yn defnyddio eich gwybodaeth i wneud ymchwil i bob agwedd ar y diwydiant adeiladu gan gynnwys er enghraifft i ddeall tueddiadau mewn adeiladu yn ogystal ag anghenion cyflogaeth a sgiliau yn y diwydiant.

Pwy sydd â mynediad at eich gwybodaeth

Mae gan staff CITB a thrydydd partïon dan gontract sy'n cynnal ymchwil i ni fynediad. Efallai y byddwn hefyd yn rhannu gwybodaeth â chwsmeriaid a chleientiaid, asiantau, darparwyr gwasanaethau, a sefydliadau arolygu ac ymchwil os bydd angen.

Yr hyn a wnawn

Efallai y byddwn ni'n defnyddio unrhyw wybodaeth a gasglwyd amdanoch chi ar ein gwefannau, cynhyrchion a gwasanaethau ar gyfer ein hymchwil, gan gynnwys eich:

• Enw
• Manylion Cyswllt
• Statws teuluol
• Ffordd o fyw
• Amgylchiadau cymdeithasol
• Manylion ariannol
• Diddordeb yn ein nwyddau a gwasanaethau neu ddefnydd ohonynt.

Efallai y byddwn ni hefyd yn defnyddio gwybodaeth a gasglwyd o arolygon, a allai fod yn sensitif, gan gynnwys eich:

• Iechyd corfforol
• Iechyd meddyliol
• Tarddiad hiliol neu ethnig
• Credau crefyddol neu eraill.

Am faint o amser rydym yn ei chadw

Rydym yn cadw gwybodaeth ymchwil yn unol â deddfwriaeth diogelu data.

Mae SkillBuild yn gystadleuaeth sgiliau ar gyfer hyfforddeion a phrentisiaid yn y diwydiant adeiladu, a allant gymryd rhan ynddi trwy ddarparu eu manylion trwy ein gwefan. 

Sut rydym yn defnyddio'ch gwybodaeth

Defnyddiwn eich gwybodaeth i weinyddu a gwella'r gystadleuaeth. Efallai y byddwn ni hefyd yn cysylltu â chi am eich caniatâd i gymryd rhan yn y gweithgarwch hyrwyddol ar gyfer SkillBuild, megis astudiaethau achos a blogiau.

Rydym yn storio eich gwybodaeth mewn cronfa ddata ddiogel. Rydym yn rhannu eich data gyda thrydydd parti gan gynnwys i weinyddu neu wella cystadleuaeth SkillBuild.

Pwy sydd â mynediad at eich gwybodaeth

Mae gan staff CITB a phroseswyr data ar gontract sydd angen y wybodaeth i weinyddu'r gystadleuaeth fynediad.

Yr hyn a gasglwn

Gall yr hyn a gasglwn ni gynnwys eich:

• Enw
• Manylion cyswllt
• Dyddiad geni
• Gwybodaeth ddeietegol
• Maint dillad
• Ethnigrwydd
• Gwybodaeth am anabledd
• Anghenion ychwanegol
• Gwybodaeth am eich tiwtor, cyflogwr neu ddarparwr hyfforddiant
• Data marchnata at ddibenion adrodd yn unig
• Gwybodaeth cyswllt brys
• Rhyw
• Cyflyrau meddygol.

Am faint o amser rydym yn ei chadw

Rydym yn cadw eich gwybodaeth am uchafswm o 5 mlynedd; mae hyn i'n galluogi i gadw cofnodion ar gyfer cyflawnwyr y gorffennol ac i olrhain cynnydd trwy gylchoedd cystadleuaeth.

Mae gennym bwerau statudol i gasglu lefi (Y Lefi Hyfforddiant Diwydiannol) gan gyflogwyr adeiladu i gyllido hyfforddiant fel bod gan y sector y gweithlu medrus sydd arno ei angen.

Sut rydym yn defnyddio'ch gwybodaeth

Rydym yn cadw cofrestr o gyflogwyr adeiladu, yr hyn rydym yn ei defnyddio i gasglu'r lefi o'r rhai y mae'n ofynnol yn ôl y gyfraith iddynt ei thalu.

Pwy sydd â mynediad at eich gwybodaeth

Mae gan staff CITB a phroseswyr data dan gontract fynediad at eich gwybodaeth. Mae’n bosibl y bydd yn ofynnol i CITB ddarparu mynediad at eich gwybodaeth i bobl eraill er mwyn cydymffurfio â’i ofynion statudol neu reoleiddiol.

Yr hyn a wnawn

Rydym yn defnyddio'ch:

• Manylion cyswllt i ofyn i chi gadarnhau ein cofnodion amdanoch chi, i brosesu'ch asesiad lefi, i gyhoeddi hysbysiad casglu lefi ac i brosesu'ch taliad
• Manylion cyflogwr i benderfynu a ydych chi'n gymwys i dalu'r lefi
• Data proffil fel y gwyddom eich dewisiadau cysylltu ac ati.

Am faint o amser rydym yn ei chadw

Rydym yn dinistrio Cofnodion Lefi ar ôl 7 mlynedd.  Rydym yn cadw'ch data proffil am 7 mlynedd ar ôl nad ydych chi neu'ch cwmni'n gorfod cwblhau Ffurflen Lefi bellach.

Mae Cynllun Llysgenhadon STEM Am Adeiladu’n cefnogi Llysgenhadon STEM, gan gynnwys eich cofrestriad i, a chyfranogiad yn y Cynllun Llysgenhadon.

Sut rydym yn defnyddio eich gwybodaeth

Mae Cynllun Llysgenhadon STEM Am Adeiladu yn defnyddio data bersonol a ddarparwyd gan Dysg STEM i ryngweithio â chi tra byddwch yn Llysgennad STEM. Rydym hefyd yn cofnodi gwybodaeth rydych chi’n ei rhannu gyda ni wrth ryngweithio â’n cynnyrch a’n gwasanaethau.

Mae’n bosibl y byddwn yn cysylltu â chi am eich caniatâd i gymryd rhan mewn gweithgarwch hyrwyddo megis astudiaethau achos a blogiau.

Rydym yn storio eich gwybodaeth mewn cronfa ddata ddiogel.

Pwy sydd â mynediad at eich gwybodaeth

Dim ond staff CITB, proseswyr data dan gontract a thrydydd partïon a awdurdodwyd gan CITB.

Yr hyn a gasglwn

• Enw
• Manylion cyswllt
• Lleoliad
• Manylion cyflogaeth
• Gwybodaeth am weithgareddau
• Oriau gwirfoddoli
• Unrhyw wybodaeth ychwanegol sydd ei hangen wrth ryngweithio â’n cynnyrch a’n gwasanaethau.

Pa mor hir rydyn ni’n ei gadw

Rydym yn cadw eich gwybodaeth am gyhyd ag sydd angen er mwyn i CITB gyflawni ei ddiben statudol.

Mae Am Adeiladu'n darparu adnoddau i unrhyw un sy'n edrych am yrfa yn y sector adeiladu a'r amgylchedd adeiledig gan helpu pobl o bob cefndir i ddechrau adeiladu i helpu i dyfu tai, diwydiant a seilwaith y DU.

Sut rydym yn defnyddio eich gwybodaeth

Cysylltwch â ni - Rydym yn defnyddio'r wybodaeth a roddwch i ni i roi gwybodaeth i chi i'ch galluogi i symud ymlaen â'ch nodau a'ch dyheadau gyrfa. Gall hyn gynnwys trosglwyddo eich manylion i adran arall o fewn CITB neu trydydd parti a allai eich helpu.

Arolwg Profiad - Rydym yn defnyddio'r manylion a roddwch i sicrhau bod ein gwefan yn rhoi'r wybodaeth gywir i chi a'i bod yn cyflawni'r canlyniadau yr ydym wedi bwriadu eu cyflawni.

Efallai y byddwn yn cysylltu â chi am eich cynnwys gan gynnwys i gymryd rhan mewn gweithgareddau fel astudiaethau achos a blogiau.

Rydym yn storio eich gwybodaeth mewn cronfa ddata ddiogel.

Pwy sydd â mynediad at eich gwybodaeth

Dim ond staff CITB, proseswyr data dan gontract a thrydydd partïon a awdurdodwyd gan CITB.

Yr hyn a gasglwn

• Enw
• Manylion cyswllt
• Lleoliad
• Ystod oedran
• Rhyw

Pa mor hir rydyn ni'n ei gadw

Rydym yn cadw eich gwybodaeth am gyhyd ag sydd angen er mwyn i CITB gyflawni ei ddiben statudol.