Pwy ddylai gofrestru â CITB

Rydych yn "ymwneud yn gyfan gwbl neu'n bennaf â gweithgareddau yn y diwydiant adeiladu" pan mae gweithgareddau adeiladu yn cymryd mwy na hanner cyfanswm amser eich gweithwyr (gan gynnwys isgontractwyr). Os yw hynny'n wir mae angen i chi gofrestru'ch busnes gyda CITB a chwblhau Ffurflen Lefi blynyddol fel y gallwn ni gynnal asesiad lefi.

Beth yw cyflogwr?  

At ddibenion lefi CITB, cyflogwr yw unigolyn neu gwmni ag un neu fwy o weithwyr, gan gynnwys staff ar y system gyflogau ac isgontractwyr.

Beth yw cyflogai/gweithiwr?

Diffinnir "cyflogai" yn Neddf Hyfforddiant Diwydiannol 1982 fel term sy'n cynnwys "unigolyn a gyflogir o dan gontract ar gyfer gwasanaethau".  Mae hyn yn golygu, yn ogystal â chyflogeion uniongyrchol ar y gyflogres, a gyflogir o dan gontractau gwasanaeth, ei fod yn cynnwys isgontractwyr (boed yn unigolion, cwmnïau neu gwmnïau cyfyngedig) a gyflogir o dan gontractau ar gyfer gwasanaethau.

Beth yw gweithgaredd y diwydiant adeiladu?

Gallwch weld rhestr lawn o weithgareddau sy'n ymwneud â'r diwydiant adeiladu yn Atodlen 1 paragraff 1 o'r Gorchymyn Hyfforddiant Diwydiannol (Bwrdd Adeiladu) 1964 (Diwygio) Gorchymyn 1992 ("Gorchymyn Cwmpas"). Rhestrir eithriadau penodol ym mharagraff 2.

Mae'r gweithgareddau dilynol yn golygu gweithgareddau adeiladu at ddibenion Lefi CITB.  Nid yw'r rhestr hon yn gynhwysfawr.