Cyhoeddi rhestr fer ar gyfer y 100 o Fenywod Mwyaf Dylanwadol mewn Adeiladu
Mae’n bleser gan Fwrdd Hyfforddi’r Diwydiant Adeiladu (CITB) gyhoeddi’r rhestr fer ar gyfer Gwobrau 100 o fenywod Mwyaf Dylanwadol mewn Adeiladu 2024.
Bellach yn eu trydedd flwyddyn, mae’r gwobrau’n arddangos y menywod dylanwadol sy’n gweithio ym maes adeiladu, gan wneud arwyr benywaidd ac anneuaidd yn fwy gweladwy a hygyrch i ysbrydoli eraill, ac yn dangos bod y sector yn agored i bawb.
Mae’r rhestr fer yn cynnwys menywod ar draws pob un o bum categori, gyda’r 100 o Fenywod Mwyaf Dylanwadol mewn Adeiladu terfynol yn cael eu datgelu yng Ngwobrau Menywod mewn Adeiladu 2024 yn ddiweddarach eleni a gynhelir gan Ffederasiwn Cenedlaethol yr Adeiladwyr yn Birmingham. Mae’r seremoni wobrwyo a’r rhestr fer o’r 100 Uchaf yn dathlu’r menywod sy’n gweithio ar bob lefel o fewn y sector a’u cyflawniadau aruthrol, tra hefyd yn amlygu sut mae’r diwydiant yn cefnogi ac yn gwerthfawrogi cydraddoldeb.
Categorïau’r 100 Uchaf yw:
- Arwr Lleol – Menywod anhygoel o naw rhanbarth gwahanol ar draws y Deyrnas Unedig sy’n gweithio ar hyn o bryd ar lefel weithredol neu safle ym maes adeiladu (Dwyrain Lloegr, Gogledd Ddwyrain Lloegr, Gogledd Orllewin Lloegr, Canolbarth Lloegr, Gogledd Iwerddon, De Orllewin, De Ddwyrain Lloegr, Yr Alban a Chymru).
- Menywod Ar Yr Offer – Ar gyfer y rhai sy’n gweithio o fewn crefft benodol o fewn y diwydiant sydd wedi neu sy’n ymdrechu i ysbrydoli’r genhedlaeth nesaf o weithwyr adeiladu.
- Y Dylanwadwr – I’r rhai sydd wedi cael effaith sylweddol a gwirioneddol ar lefel sefydliadol neu genedlaethol o fewn cwmni mewn un o dri is-gategori (Cleient, Dylunydd a Chontractwr).
- Cynghreiriaid – Yr unig gategori sy’n cydnabod pobl, waeth beth fo’u rhyw, o fewn y diwydiant sy’n gweithredu fel dylanwadwyr allweddol wrth gefnogi cynhwysiant a newid.
- Un I Wylio – Ar gyfer newydd-ddyfodiaid y diwydiant sy’n arwain y ffordd o ran hyrwyddo cydraddoldeb, amrywiaeth, cynhwysiant a thegwch.
Dywedodd Deborah Madden, Cyfarwyddwr Ymgysylltu Lloegr CITB:
"Rydym wrth ein bodd yn cydnabod y menywod a’r cynghreiriaid anhygoel sy’n ysgogi newid gwirioneddol yn y diwydiant adeiladu. Mae dathlu eu cyflawniadau gyda’r 100 o Fenywod Gorau mewn Adeiladu yn anrhydeddu nid yn unig eu gwaith caled ond hefyd yn ysbrydoli eraill a chenedlaethau’r dyfodol.
Gyda’n gilydd, rydym yn arddangos yr hyn sy’n bosibl i fenywod ym maes adeiladu heddiw ac yn annog y genhedlaeth nesaf i ddilyn gyrfaoedd yn y maes hwn.
Mae’r Gwobrau Menywod mewn Adeiladu yn tynnu sylw ar y rhai sy’n arwain ein diwydiant a’r rhai sy’n cefnogi sector mwy amrywiol trwy eu hymroddiad a’u heiriolaeth."
Dywedodd Richard Beresford, Prif Swyddog Gweithredol Ffederasiwn Cenedlaethol yr Adeiladwyr (NFB):
"Dyma drydedd flwyddyn y Gwobrau hyn a’n cydweithrediad cyntaf â CITB, sydd wedi arwain at ymchwydd mewn enwebiadau. Mae’r beirniaid annibynnol wedi gweithio’n ddiflino i greu’r rhestr fer gystadleuol hon. Mae llawer o’n henillwyr blaenorol yn tynnu sylw ar yr effaith sylweddol y mae’r gwobrau hyn wedi’i chael ar eu gyrfaoedd, gan bwysleisio eu pwysigrwydd.
Mae gwobrau eleni yn argoeli i fod yn fwy ac yn well nag erioed, gan ddod â rhestr drawiadol o enillwyr y gorffennol ac arweinwyr y dyfodol ym maes adeiladu at ei gilydd i rannu’r llwyfan a’r gwobrau."
Yn cael ei gynnal ar 30 Medi yng Ngwesty’r Burlington cyn Wythnos Adeiladu’r DU, gellir archebu byrddau a seddi yn y gwobrau i ddathlu ac anrhydeddu’r unigolion rhagorol.
Mae CITB wedi ymrwymo i gyflwyno cyfres o weithdai wedi’u hariannu’n llawn fel rhan o’i agenda i gefnogi menywod a chynghreiriaid i ffynnu yn y diwydiant adeiladu. Mae’r gweithdy cychwynnol, “Meddu Eich Llwyddiant”, ar 31 Gorffennaf 2024, wedi’i gynllunio i helpu pobl i gydnabod a dathlu eu cyflawniadau, gan ddarparu offer ymarferol a chymuned o gefnogaeth. Mae’r gyfres o raglenni yn parhau ar 29 Hydref gyda sesiwn yn canolbwyntio ar werth a phwysigrwydd cynghreiriaid. Gallwch ganfod mwy am y gweithdy ar Eventbrite.
Darllenwch restr fer lawn y 100 o Fenywod Mwyaf Dylanwadol mewn Adeiladu yn 2024.
Sut wnaethon ni heddiw? Rhoi adborth