Ynglŷn â'r Bartneriaeth Llwch Adeiladu

Nod CDP yw:

"Codi ymwybyddiaeth, o fewn y diwydiant adeiladu, am glefydau'r ysgyfaint sy'n gysylltiedig â llwch peryglus yn y gweithle a hybu arfer da er mwyn atal y clefydau hyn, yn enwedig ymhlith y rheiny sy'n cyflawni tasgau risg uchel

Mae aelodau'r bartneriaeth wedi cytuno i wneud y canlynol:

• Targedu llwch adeiladu peryglus, yn enwedig yr enghreifftiau o lwch sy'n peri'r risg fwyaf o glefyd yr ysgyfaint.
• Gwella ymwybyddiaeth y diwydiant adeiladu o'r risg o ddatblygu clefyd yr ysgyfaint yn sgil anadlu'r mathau hyn o lwch.
• Dynodi'r tasgau adeiladu hynny sy'n peri'r risg fwyaf o ddatblygu cyflyrau o'r fath ymhlith gweithwyr.
• Cydweithio er mwyn cytuno ar reolaethau cymesur i leihau'r risgiau o'r tasgau risg uchel hyn a'u hyrwyddo.

Cyraeddiadau 2014/15

Mae'r CDP wedi cynhyrchu crynodeb o'i gyflawniadau ar gyfer 2014/15 (PDF, 270KB

Mae'r rhai sydd ynghlwm o'r farn y gall partneriaeth rhwng y rheoleiddiwr a'r diwydiant gael mwy o effaith na gweithio'n unigol. Mae'n helpu i ddatblygu arloesedd, sicrhau gwelliannau a sicrhau cysondeb.

Gall blaenoriaethau y cytunwyd arnynt hefyd gael eu targedu a gellir gwneud y defnydd mwyaf effeithiol o adnoddau.

Mae'r bartneriaeth hon yn golygu mwy nag ambell gyfarfod neu gyd-ddigwyddiad. Yn hytrach, mae'n seiliedig ar agenda gytûn a chydberthnasau gwaith agos â'r cynrychiolwyr hynny o'r diwydiant sy'n awyddus i chwarae rhan.

I gael rhagor o wybodaeth am y rhain a meysydd eraill gweler ein dogfen Cwestiynau Cyffredin ar y dudalen Adnoddau

Mae ein logo yn rhan bwysig o waith y Bartneriaeth. Mae'n hyrwyddo ein nodau a'n hamcanion. Rydym yn falch ohono ac felly gofynnwn i chi ei drin â gofal. Os hoffech ei ddefnyddio dilynwch y canllawiau hyn.

Caniatâd ar gyfer logo CDP (PDF 79Kb)